Perezida wa Kenya Uhuru Kenyatta yatunguye benshi atanga imfashanyo ku baturage ba Goma bagizweho ingaruka zikomeye n’iruka ry’ikiruka cya Nyiragongo cyatangiye kuruka kuwa 22 Gicurasi 2021.
Mu bufasha bwatanzwe na Perezida Kenyatta bugizwe n’ibiribwa n’imiti byaje mu ndege 3 zitwara imizigo zasesekaye ku kibuga cy’indege cya Goma kuri uyu wa Kabiri tariki ya 8 Kamena 2021.
Ku ruhande rwa Repubulika Iharanira Demokarasi ya Congo, iyi mfashanyo yatanzwe na Kenyatta yakiriwe na Dr Roger Kamba, umujyanama wihariye wa Perezida Félix-Antoine Tshisekedi Tshilombo mu bijyanye n’imibereho myiza no kurwanya Covid-19 wari kumwe na Guverineri wa Kivu y’Amajyaruguru Lt Gen Ndima Kongba Constant.
Biteganiijweko ubu bufasha bwatanzwe na Kenya buzakwirakwizwa mu baturage bagizweho ingaruka n’iruka rya Nyiragongo bari mu ma site ya, Minova, Bukavu, Rutshuru ndetse n’abasigaye ku butaka bw’u Rwanda bahageze ku wa 27 Gicurasi .
.Abaturage barenga 230,000 bahunze umujyi wa Goma nyuma y’iruka ry’ikirunga cya Nyiragongo nk’uko byemejwe n’umuryango wabibumbye.Kugeza ubu abatuye Goma baribarahungiye mu bice bihana imbibe nayo harimo n’u Rwanda batangiye guhunguka.
