Mu Karere ka Gasabo, mu mujyi wa Kigali, haravugwa urupfu rwa HAKIZIMANA Innocent w’imyaka 43 y’amavuko, wapfuye muri iri joro ryo kuri uyu wa 10 Nzeri 2023, azize gukubitwa urushyi na SIBOMANA Jean pierre.
Umunyamabanga Nshingwabikorwa w’Akagari k’ Agateko, Hatangimana Jean Claude, yavuze ko gukubita uwo musore , bikekwa ko uwabikoze yabikoreshejwe n’ubusinzi.
Yagize ati “Ejo saa tatu z’ijoro, sibomana Jean Pierre yagiye kuvunjisha amafaranga, ashaka ibiceri ahura na Hakizimana Innocent, ariko ngo yari yasinze. Aramubwira ngo kuki ugurira abagore, njyewe ntungurire.Undi rero amukubita urushyi,aragwa.”
Gitifu avuga ko ibyo bikiba, yihutanywe ku ivuriro ry’igenga ariko mu gitondo cyo kuri uyu wa mbere aza kwitaba Imana.
Gitifu Hatangimana yagiriye inama abantu kwirinda ubusinzi bukabije ndetse no gusindira mu ruhame, birinda kwihanira.
Amakuru avuga ko ukekwaho gukora ibyo, asanzwe avugwaho imyitwarire y’ubusinzi .Ubwo yahuraga na nyakwigendera mu nzira, yari avuye ahakinirwa umukino w’inkoni wa biyari, agiye kuvunjisha amafaranga y’ibiceri.
Umurambo wahise ujyanwa mu buruhukiro by’iBitaro bya Nyarugenge, mu gihe ukekwaho gukora ibyo afungiye kuri RIB sitasiyo ya Jali.
Schadrack NIYIBIGIRA.
