Nyuma y’imyaka 18 yamaze akorera RBA akaza gusezera ku buryo butunguranye mu Ukuboza 2020, kuri ubu hamenyekanye Radio Nshya Tidjala Kabendera agiye gukorera.
Amakuru dukesha Igihe yemeza ko Tidjala Kabendera hashize icyumweru asinye amasezerano yo gukorera Vision FM Radiyo yumvikanira ku murongo wa 104.1 FM.
Bivugwa ko Tidjala Kabendera yasinyiye umunsi umwe na Rutaganda Joel wahoze akorera City Radio.
Kuwa 23 Ukuboza 2020 nibwo Urwego rw’Igihugu rw’itangazamakuru (RBA)rwatambukije ubutumwa busezera kuri Tdidjala Kabendera wari umaze imyaka 18 arukorera. Kuva icyo gihe abantu batandukanye batangiye gukeka ko Tidjala Kabendera ashobora kuba agiye kwikorera cyane ko hari hashize iminsi mike afunguye iduka ricuruza imyenda yise TK Cosmetics.
