Gen Bruce Oligui Nguema, uherutse guhirika Ubutegetsi bwa Ali Bongo Ondimba muri Gabon, biteganijwe ko azarahira kuyobora icyo gihugu mu nzibacyuho kuri uyu wa mbere tariki ya 4 Nzeri 2023.
Bongo yahiritswe k’ubutegetsi kuwa Gatatu w’iki cyumweru nyuma y’iminota mike Komisiyo y’amatora itangaje ko ari we watsindiye manda ya gatatu.
Umuvugizi w’agatsiko ka gisirikare kahiritse ubutegetsi, Colonel Ulrich Manfoumbi Manfoumbi yatangaje ko Gen Nguema azarahira kuri uyu wa mbere.
Umuhango uzabera mu nyubako isanzwe ikoreramo Perezida w’icyo gihugu, mu murwa mukuru, Libreville.
Gusa ntiharatangazwa, igihe inzibacyuho Nguema agiye kurahirira kuyobora izamara.
Uwineza Adeline
