Imirwano ihanganishije ingabo za Leta ya Repubulika Iharanira Demokarasi ya Congo n’umutwe w’inyeshyamba wa M23 yongeye kuburwa mu gace ka Rugari na Katale muri teritoire ya Rutshuru guhera mu gitondo cyo kuri uyu wa 23 Werurwe 2023..
Amakuru dukesha imboni yacu iri muri teritwari ya Rutshuru, avuga ko FARDC ifatanyije na FDLR n’indi mitwe yitwaje intwaro ya Nyatura na Mai Mai yazindutse igaba igitero ku birindiro bya M23 biherereye mu gace ka Rugari na Katale muri teritwari ya Rutshuru bagamije kwisubiza utwo duce.
Umutwe w’inyeshyamba wa M23 washoboye kugumana uduce twa Rugari na Katale , mu mirwano yiriwe iwuhanganishije n’ingabo za leta ya Congo FARDC zifatanyije n’imitwe yitwaje intwaro ikorera mu burasirazuba bw’iki gihugu.
Isoko y’amakuru ya Rwandatribune yasobonuye ko ejo kuwa 22 Werurwe i 2023, ivuga ko hari n’indi mirwano inyeshyamba za M23 zarwanyemo na FARDC muri utwo duce ,birangira zidakuye mu byimbo uyu mutwe w’inyeshyamba wa M23, ukomeje kwesa imihigo mu gutsinda igisirikare cya Congo.
Umutwe wa M23 uheruka gusohora itangazo uvuga ko FARDC ifatanyije n’imitwe yitwaje intwaro irimo FDLR , bakomeje kugaba ibitero mu duce igenzura ibintu uyu mutwe ufata nko kubangamira gahunda yo gushyira mu bikorwa imyanzuro ya Luanda.
M23,ikomeza ivuga ko itazakomeza kurebera, ahubwo ko nayo izakomeza kwirwano no kurinda abaturage mu duce igenzura mu gihe cyose FARDC n’abafatanyabikorwa bayo bazakomeza kuyigabaho ibitero.
Uwineza Adeline
