Kuri uyu wa 02 Kanama 2023 BDGL muri Kivu y’amajyaruguru yatangije igikorwa cyo kwibuka abazize intambara yo mu 1998 muri Kivu y’amajyaruguru, ndetse banashyira amafoto ya bammwe muri bo ahubatswe urwibutso rwabo , ndetse banashyiraho indabo.
Ibi byateguwe n’uyu muryango mu mujyi wa Goma, n’igikorwa cyari cyatumiwemo n’umuyobozi w’intara ya Kivu y’amajyaruguru,akaba n’umuyobozi w’ibikorwa bya Gisirikare muri Kivu y’amajyaruguru Lt. Gen Constant Ndima, wanashyize indabo ahari hateguwe.
Ni igikorwa cyatangiye kuwa 31 Nyakanga kirakomeza, kugeza kuwa 02 Kanama 2023 murwego rwo kwibuka abazize iyi ntambara bose, ndetse bakaba baragerageje gushakisha amafoto ya bamwe muri bo kugira ngo babikore bafite ibyo bagaragaza.
Abari bateguye iki gikorwa bavuga ko uhereye kuwa 02 Kanama 1998 muri Kivu y’amajyaruguru hibasiwe n’intambara kugeza na n’ubu ikaba igikomeje, bityo ko ibi byakabaye birangira amahoro akongera kugaruka, dore ko bamwe mu basizwe iheruheru n’intambara igitangira kugeza nan’ubu batazi amahoro icyo ari cyo.
