Mu nama yateraniye mu murwa mukuru Kinshasa, kuri uyu wa 04 Ugushyingo 2022 abagize ishyaka Nouvel Élan bateguye imyigaragambyo igomba kuba mu gihugu hose, iyo myigaragambyo ikazamaganirwamo Ambasaderi wa Uganda muri DRC.
Si ubwa mbere abanye Congo bategura imyigaragambyo yirukana abaturanyi babo, kuko muri iki gihugu hari hamaze iminsi hahora imyigaragambyo yo kwamagana, igihugu cy’u Rwanda, yanarangiye Ambasade yarwo ifunze imiryango.
Iri shyaka riyobowe na Adolphe Muzito, ryatangaje ko iyi myigaragambyo izakorwa mu mahoro, ndetse igafatirwamo ibyemezo bitandukanye, birimo ko M23 igomba kuvanwa k’ubutaka bwa Congo, gusaba ko DRC yakwikura muri EAC n’ibindi bitandukanye. Iyi myigaragambyo ikaba iteganijwe kuzaba kuwa 17b Ugushyingo.
Adolphe Muzito yemeza ko bashyigikiye ingabo z’igihugu cyabo m’urugamba barimo, ko Kandi batifuza uwabavogerera igihugu Aho yaza aturutse hose.
Uwineza Adeline
