Ikipe ya Rayon Sports yamaze gusinyisha abakinnyi babiri izifashisha muri shampiyona y’amezi abiri izatangira tariki 01/05/2021.
Kuri uyu wa Gatandatu nk’uko byari bimaze iminsi bihwihwiswa, ikipe ya Rayon Sports yamaze kugarura umukinnyi Muhire Kevin, ndetse n’umunye-Congo Héritier Luvumbu Nzinga bamaze gusinyira iyi kipe.
Kevin Muhire wari umaze iminsi yarerekeje mu ikipe ya Sahama Club yo muri Oman, ni umwe mu bakinnyi beza bo hagati b’abanyarwanda kugeza ubu, aho ari umwe mu bakinnyi bafashije ikipe ya Rayon Sports gukora amateka yo kwerekeza mu matsinda ya CAF Confederation Cup ndetse na ¼.
Umunye-Congo Héritier Luvumbu Nzinga w’imyaka 28, ni umwe mu bakinnyi bamenyekanye mu Rwanda muri CHAN yabereye mu Rwanda mu mwaka wa 2016, akaba yarakinnye mu makipe arimo Royale Union saint-gilloise yo mu Bubiligi, akinira AS FAR Rabat ndetse na Athletic Youssoufia Berrechid zo muri Maroc
Héritier Luvumbu Nzinga mu mwambaro wa Rayon Sports
Aba bombi basinyiye Rayon Sports amasezerano y’amezi abiri ari nayo shampiyona izamara, aho Rayon Sports izatangira ikina na Gasogi United, ikazakurikizaho Kiyovu Sports ndetse na Rutsiro Fc.
Nyuma ya Muhire Kevin na luvumbu rayoni igiye gusinyisha Indi ntwaro .Rutahizamu ukomoka mu gihugu cya Gabon, Junior Bayanho-Aubyang ari mu Rwanda aho yaje gusinyira ikipe ya Rayon Sports.
Mwizerwa Ally
