Umuryango mpuzamahanga uharanira uburenganzira bwa muntu ku Isi (Human Rights Watch), washinje Repubulika Iharanira Demokarasi ya Congo guhonyora uburenganzira bwa muntu, unabashinja kwica abaharanira uburenganzira bwabo, ibishyizemo imbaraga.
Ibi bije nyuma y’uko hishwe abigaragambyaga kuri uyu wa 20Gicurasi 2023, kuri uyu munsi abatavuga rumwe n’ubutegetsi bwa Tshisekedi bari bakoze imyigaragambyo,bamagana uburyo bufutamye buri gutegurwamo amatora ya Perezida yo kuwa 20 Ukuboza 2023.
Human Rights Watch, ikavuga ko ubutegetsi bwa Tshisekedi bwashishikarije aba polisi gukoresha imbaraga zumurengera, igihe barimo bagerageza guhagarika abari muri iyo myigaragambyo. kuriyo nshuro Peresida Tshisekedi yafashe ijambo maze ashimira umuyobozi wa polisi waruhagarariye aba polisi guhagarika iyo myigaragambyo.
Peresida Félix Tshisekedi, yaravuze ati: “Ndashimira Colonel wa Polisi waruyoboye aba polisi bahagaritse imyigaragambyo, aha werekanye ubunyamwuga wakoze akazi neza.”
Muguhagarika imyigaragambyo, aba polisi bakoresheje imbunda nimipanga ndetse namahiri ibi byose rero uyu muryango wabishingiyeho ushinjaubutegetsi bw’iki gihugu kwica nkana uburenganzira bwa muntu.
Kuwa 29 Gicurasi 2023 uwitwa Col Makikizo, wo mu itsinda rya Wazalendo, ariryo huriro rya Maï Maï, bazwiho gukorana byahafi n’ingabo za Republika Iharanira Demokarasi ya Congo , Col Makikizo akaba yariciwe muri Groupement ya Bukombo, yishwe arashwe nabasirikare bagenzi be.
Ubuyobozi bw’iki gihugu bukaba bukomeje gusabwa kugira icyo bakora kugira ngo bareke kwica abantu uko biboneye kuko icyo ari ukwica uburenganzira bwa muntu.
