Amakuru tugikorera ubucukumbuzi bwimbitse ava mu gihugu cy’u Burundi aravuga ko Hussein Rajabu umwe mu barwanya ubutegetsi mu Burundi yaba ubu ari mu maboko y’inzego zishinzwe umutekano muri icyo gihugu.
Hussein Rajabu bivugwa ko yafatiwe mu mujyi wa Kigoma mu gihugu cya Tanzania agahita ajyanwa i Burundi. Birakekwa ko ubu twandika iyi nkuru amaze iminsi ikabakaba 10 afashwe.
Uyu mugabo wigeze kuba umukuru w’ishyaka CNDD-FDD riri ku butegetsi mu Burundi yatorotse Gereza ya Mpimba iri i Bujumbura mu ntangiriro za 2015.
Mu minsi ishize byavuzwe ko yari mu mutwe urwanya ubutegetsi mu Burundi witwaga «Forces républicaines du Burundi», Forebu washinzwe mu 2015 na lieutenant-colonel Edouard Nshimirimana, watorotse igisirikare cy’u Burundi ariko mu 2017 uyu mutwe wahinduye izin witwa Forces patriotiques du Burundi (FPB) bikaba bikekwa ko guhindura izina byaraturutse ku bwumvikane buke hagati y’abayobozi b’uyu mutwe.
