Mu Karere ka Huye ahitwa i Rubona habereye impanuka idasanzwe y’imodoka y’ikamyo yataye umuhanda ikagwa hasi hafi y’inzu y’umuturage.
Iyi mpanuka yebereye mu muhanda Huye-Kigali, yabaye kuri uyu wa Gatanu tariki 12 Kanama 2022 ahitwa i Rubona mu Karere ka Huye.
Ababonye iyi mpanuka, bavuga ko yatewe no kuba umushoferi wari utwaye iyi kamyo yikanze imodoka nto yo mu bwoko bwa Toyota Carina yashakaga kuyinyuraho, agasa nk’uyihunga igahita iruhukira ku butaka.
Iyi modoka yahise igwa hafi y’inzu y’umuturage iri hafi y’umuhanda, ntawe yahitanye ndetse n’abari bayirimo bose ntawapfuye.
Inzego zirimo polisi y’u Rwanda ishinzwe umutekano wo mu muhanda muri aka gace, yahise yihutira kuhagera, ikaba yatangaje ko iyi mpanuka nta muntu n’umwe yahitanye.
RWANDATRIBUNE.COM
