Ian Kagame akaba umuhungu wa Perezida Paul Kagame, yagaragaye mu basirikare bamurinda kuri iki Cyumweru ubwo yitabiraga isengesho ryo gusabira Igihugu.
Ian Kagame uherutse kwinjira mu gisirikare cy’u Rwanda ku ipeti rya Second Lieutenant mu muhango wabereye i Gako tariki 04 Ugushyingo 2022.
Ni umuhango wayobowe na Perezida Paul Kagame akaba n’Umugaba w’Ikirenga w’Ingabo z’u Rwanda, wanitabiriwe na Madamu Jeannette Kagame ndetse na Ange Ingabire Kagame bari bagiye gushyigikira Ian Kagame wari winjiye mu gisirikare cy’u Rwanda.
Ian Kagame kandi yari yabanje no gusoza amasomo ya gisirikare mu ishuri rya Gisirikare ryo mu Bwongereza ryitwa Royal Military Academy, Sandhurst.
Kuri iki Cyumweru tariki 15 Mutarama 2023 ubwo Perezida Paul Kagame yitabiraga isengesho ngarukamwaka ryo gusengera Igihugu, mu basirikare bari bamurindiriye umutekano, hagaragaye mo Second Lieutenant Ian Kagame.
Second Lieutenant Ian Kagame yagaragaye ari umwe mu basirikare bagenda imbere y’umukuru w’Igihugu yambaye utwuma tumufasha kuvugana na bagenzi be b’abajepe.
RWANDATRIBUNE.COM
