Ian Kagame, umwana wa Perezida Paul Kagame, yasoje amasomo ya Gisirikare mu ishuri rifite ibigwi mu bwongereza, aho yahise ahabwa ipeti rya Sous Lieutenant.
Ni igikorwa cyabaye kuri uyu wa Gatanu tariki 12 Kanama 2022 ku cyicaro cy’ishuri rya Gisirikare rya Royal Military Academy Sandhurst ryo mu Bwongereza.
Aya makuru yabanje gutangazwa n’ubuyobozi bw’Igisirikare cy’u Rwanda mu itangazo cyasohoye ku mugoroba wo kuri uyu wa Gatanu aho ryavugaga ko Abanyarwanda batatu barangije amasomo muri iri shuri rya Royal Military Academy Sandhurst.
Abo Banyarwanda ni Ian Kagame umuhungu wa Perezida Paul Kagame ndetse na Park Udahemuka na David Nsengiyumva.
Perezidansi y’u Rwanda na yo yatangaje ko Perezida Paul Kagame na Madamu Jeannette Kagame bitabiriye umuhango wo gusoza amasomo ya Ian Kagame.
Mu minsi ishize, Gen Muhoozi Kainerugaba yari yahishuye aya makuru ko Ian Kagame agiye gusoza amasomo ya Gisirikare muri iri shuri ndetse anamuha ikaze mu mwuga wa Gisirikare.
RWANDATRIBUNE.COM
