Kuri uyu wa 22 Ukwakira 2021 ,urukiko rwisumbuye rwa Nyarugenge rwakatiye abagabo babiri bafatanywe na Nyakwigendera Kizito Mihigo mu mwaka ushize wa 2020.
Joel Ngayabahiga na Jean Bosco Nkundimana wabaye umukozi wo murugo kwa Kizito,ashinjwa ga icyaha cyo kuba ibyitso ,mukwambuka kwa nyakwigendera ajya i Burundi anyuze ahatemewe , hakiyongera ho icyaha cyo gutanga ruswa.
Innocent HARERIMANA wari umushoferi w’aba bombi mugihe berekezaga aho bari butorokeshereze Kizito Mihigo we yagizwe umwere, ngo dore ko atari azi imigambi yabo ,we yabatwaye nkuko yatwara n’abandi bagenzi.
Kuwa 12 Ukwakira 2021 ubushinjacyaha bwari bwasabiye Ngayabahiga na Nkundimana gufungwa imyaka irindwi (7) n’ihazabu y’amafaranga y’u Rwanda milliyoni ebyiri n’igice (2500 000FRW),
Kuri uyu wa 22 Ukwakira 2021 Urukiko Rwisumbuye rwa Nyarugenge rwakatiye uyu Nkundimana igifungo cy’imyaka itanu n’igice,naho Ngayabahiga wagombaga kwerekana inzira banyuramo bambuka mu Burundi akatirwa amezi atatu.
