Iyo umugore atwite, ikigero yarakeneye cy’ intunga mubiri zigomba kwiyongera kuko aba akwiriye kubaho ndetse n’uwo atwite akabaho. kugira ngo rero umubyeyi utwite azabyare umwana muzima, wakuze neza ari munda, twabahitiyemo ibiribwa 5 by’ingenzi yakwifashisha.
1.AMATA Y’INKA N’IBIYAKOMOKAHO
Amata asanzwe, inshyushyu,ikivuguto ,forumage,yawurute itongereyemo amasukari, bikize kuri ploteine (ibyubaka umubiri ) cyane habamo ploteine z’ubwoko 2 iyitwa way na caseine izo ploteine zifasha cyane mu mikurire y’umwana
Harimo kandi calcium dore ko ifasha mu gukura kw’amagufa y’umwana
2.IBINYAMISOGWE
Habamo, amashaza, ibishyimbo,ubunyobwa na soya nabyo byifitemo intunga mubiri ,ibyubaka umubiri bitandukanye, kandi habonekamo ubutare | fele| fele rero ifasha mu kwiyongera kw’amaraso ku mugore utwite, kubera ko umugore utwite amaraso aba agomba kwiyongera kuko niyo agendamo intunga mubiri zitunga umwana ndetse hakagendamo n’umwuka mwiza utuma umugore akomeza kugira ubuzima bwiza.
Tuvuze nko k’ubunyobwa habamo amavuta meza umugore utwite akenera,harimo kandi imyunyungugu nka calcium ikunda kuboneka kandi muri soya kuko nkabatanwa amata bakagombye kubona calcium iba muri soya.Dore ko hakizemo cyane vitamin B9 ishobora gufasha kwifunga k’urutirigongo.
3.IBIFITE IBARA RY’UMUHONDO
Karoti,imyembe,ipapayi,ibijumba by’umuhondo,ririya bara ry’umuhondo riba ryerekana ko ryifitemo ibintu umubiri ukuramo vitamin A bifasha cyane mu igogora no mu mikurire y’umwana, kandi igafasha cyane mu kwirema k’uturemangingo twibanze aritwo twitwa ‘’cells’’.
Ikindi ifasha cyane mu gukora imboni y’umwana, uburyo umwana azareba|
4.AMAGI
Amagi agomba kuba ahiye neza, kubera ko iyo adahiye ashobora kubamo ama bacter atandukanye bikaba byagwa nabi utwite.
Dushobora kubonamo ploteine,habamo vitamin B12 ifasha mu ikorwa ry’amaraso, habamo B9,calcium ifasha mu mikurire y’amagufa y’umwana.
5.IMBOGA RWATSI CYANGWA IZIFITE IBARA RY’ICYATSI
Kubera ko izi mboga z’icyatsi zibamo imyunyungugu nka phoric acid,ifasha gukomera k’urutirigongo rw’umwana ,habamo vitamin A, ndetse zifasha umugore utwite kutagira ikibazo cya constipation cyangwa se impatwe. Dore ko ari ikibazo gikunda kwibasirwa n’abageze mu mezi yo hejuru. Habamo na vitamin C .
Avoka
Avoka ifite vitamin B9 ifasha gukura k’ ubwonko bw’umwana,uruhu rw’umwana bitewe nuko ifite amavuta meza arinda umutima n’imitsi,copper,vitamin K,potassium na vitamin E.
NIYONKURU Florentine
