Ingabire Sunny Dorcas, umuhanzikazi wamamaye ku izina rya Sunny, yahawe urwamenyo n’abamukurira ku rukuta rwe rwa Instagram, nyuma y’ifoto yari amaze gushyiraho avuga ko ibirungo (makeups) ari byo bigira umugore kuba mwiza.
Nyuma y’amasaha atageze kuri 2 Sunny ashyizeho iyo foto ye iherekejwe n’amagambo agira ati: “Umugore wese wisize ibirungo aba mwiza”, abamukurikira bahise bamwanjama batangira kumuha urwamwnyo bamubaza niba ibyo avuga abizi neza, abandi bamubwira ko uko yabigenza kose we adateze gusa neza.
Uretse kumenyekana ku bw’indirimbo ze ziba zikoze mu buryo butangaje haba mu majwi no mu mashusho, Sunny yagiye anavugwa mu Itangazamakuru kubera imyitwarire ye irimo no kwiyambika ubusa ku mbuga nkoranyambaga aho bamwe baba bamushimagiza mu buryo bw’ininora.
Sunny yakoze indirimbo zitandukanye zirimo nka “Kungola” yakoranye na Bruce Melody, “Property”, iyo aherutse gusohora yise “Rihanna” n’izindi zitandukanye.
Ndacyayisenga Jerome
