Mu gihe benshi bari bakomeje kwibaza icyateye iy’irukanwa rya Gen Maj Aloys Muganga na Brig Gen Francis Mutigana mu ngabo z’u Rwanda RDF , kuri ubu impamvu yihishe inyuma y’urukanwa ryabo yamenyekanye.
Ni ibyatangajwe na Brig Gen Ronard Rwivanga Umuvugizi w’Ingabo z’u Rwanda RDF, mu kiganiro yagiranye n’Abanyamakuru kuri uyu wa 14 Kamena 2023 kibanze ku mpamvu zatumye RDF ,yirukana abasirikare 116 mu gihe abandi 112 amasezerano yabo yaseshwe.
Brig General Ronald Rwivanga ” yavuze ko Maj Gen Aloys Muganga yirukanywe kubera impamvu z’ubusinzi bukabije naho Brig Gen Francis Mutigana akaba yarazize gusuzugura inzego za gisirikare .”
Gusa Brig Gen Ronard Rwivanga, yongeyeho ko iyirukanwa ry’Aba Bajenerari n’abandi basirikare birukanwe, ntaho bihuriye n’impinduka ziherutse gukorwa mu buyobozi bukuru bw’Igisirikare cy’u Rwanda n’ubwo byabaye mu gihe cyegeranye ariko ngo nta sano bifitanye.
Claude HATEGEKIMANA
Rwandatribune.com
