IFOTO: Perezida Kagame yasuye Nyiramandwa w’imyaka 110

Umukuru w’u Rwanda, Paul Kagame yasuye Nyiramandwa w’imyaka 110 wo mu Murenge wa Gasaka mu Karere ka Nyamagabe, mu rugo iwe.

Perezida Kagame yasuye uyu mukecuru mu gitondo cyo kuri uyu wa Gatanu tariki 26 Kanama 2022 mu ruzinduko rw’iminsi ine ari kugirira mu bice binyuranye by’Igihugu.

Ibiro by’Umukuru w’Igihugu, bivuga ko uyu munsi Perezida Kagame yasuye mu rugo uyu mukecuru w’imyaka 110 witwa Rachel Nyiramandwa.

Ubutumwa bwa Perezidansi buvuga ko uyu mukecuru ari “Umugenerwabikorwa wa gahunda zigamije kuzamura ibibereho y’abaturage zirimo kuvuguriruriwa inzu ndetse na gahunda ya Girinka aho yanagararije ko ubu afite inka zimufasha kunywa amata no guha abaturanyi be.”

Uyu mukecuru ni ku nshuro ya kane ahuye na Perezida Paul Kagame kuko muri 2010 no muri 2017 ubwo yari mu bikorwa byo kwiyamamaza, bahuye ndetse no muri 2019 ubwo yasuraga Akarere ka Nyamagabe.

RWANDATRIBUNE.COM