Hagaragaye ifoto y’umwe mu baisirikare ba FARDC yifotoye ibizwi nka selfie, iruhande rw’abasirikare bagenzi be bari bamaze kwivuganwa na M23 ku rugamba bahanganyemo.
Ni ifoto yakwirakwiye ku mbuga nkoranyambaga, aho bigaragara ko uyu musirikare yayifotoye aba basirikare bagenzi be bakimara kwicwa.
Muri iyi foto, hagaragara uyu musirikare wayifotoye ndetse n’imirambo ibiri ya begenzi be ndetse n’abandi basirikare baba bakiri bazima ariko bari kwikinga bihisha amasasu.
Konti yitwa De la Cachette washyize iyi foto kuri twittwe, yavuze ko ko M23 ikomeje gutuma FARDC n’imitwe yiyambaje bakomeza gutakaza ubuzima.
Ubutumwa buherekeje iyi foto buvuga kandi koi bi byabereye ahitwa Luhonda mu birometero 6 uvuye mu Mujyi wa Sake.
Imirwano ihanganishije FARDC na M23, imaze iminsi ishyushye muri Sake, aho uyu mutwe w’inyeshyamba warwanye inkundura ushaka gufata aka gace ariko FARDC na yo yakomeje kwihagararaho.
RWANDATRIBUNE.COM
