Perezida w’umutwe wa M23, Bertrand Bisimwa yagaragaye yambaye impuzankano ya gisirikare, umwambaro atamenyereweho.
Uyu mutwe wa M23 usanzwe ufite indwanyi kabuhariwe zirimo n’abajenerali n’abandi basirikare bo ku rwego rwo hejuru, usanzwe uyoborwa na Bertrand Bisimwa utajya ajya mu by’urugamba n’ibya gisirikare.
Gusa kuri iyi nshuro yagaragaye yambaye impuzankano ya gisirikare ari mu misozi y’uduce tugenzurwa na M23, arindiwe umutekano mu buryo budasanzwe.
Bertrand Bisimwa aherutse kuzamura mu mapeti abarwanyi babiri ba M23 bari ku ipeti rya Colonel, abaha ipeti rya Brigadier General. Abo ni Mboneza Yusufu na Byamungu Muheshe Bernard.
RWANDATRIBUNE.COM
