Ihangana rikomeye hagati ya Gatete Clever na Georges Nzongola ku kibazo cya M23 na FDLR i New York muri USA

Kuwa 29 Werurwe 2023, Akanama ka ONU gashinzwe amahoro n’umutekano ku Isi , kateraniye i New York Muri Lata Zunze Ubumwe z’Amerika kiga ku kibazo cy’Umutekano mucye mu burasirazuba bwa DRC, inama   yaranzwe no guterana amagambo hagati y’Abahagariye u Rwanda na DRC mu Murynago w’Abibumbye ( ONU).

Muri iyi nama, Georges Nzongola uhagarariye DRC mu muryango w’Abibumbye yavuze ko nibadafatira M23 n’u Rwanda ibihano bikomeye ndetse bigashyirwa mu bikorwa byihuse, uyu mutwe udateze guhagarika imirwano no kuva mu bice byose wigaruriye muri teritwari ya Masisi na Rutshuru ho mu ntara ya Kivu y’Amajyaruguru.

Ati:” Ni mudafatira M23 abihano bikomeye n’umuterankunga wayo ariwe u Rwanda ,ntabwo uyu mutwe uzigera uhagarika imirwano cyangwa ngo uve mu bice wigaruriye.”

K’urundi ruhande, Ambasaderi Clever Gatete uhagarariye u Rwanda mu Muryango w’Abibumbye nawe yahise avuga ko icyibazo cy’umutekano mucye  mu burasirazuba bwa DRC ,cyatewe n’Ubutegetsi bwa Kinshasa ndetse ko aribwo bugomba kubiryozwa.

Gatete Clever, yakomeje avuga ko amakimbirane hagati ya M23 na Kinshasa yakomeje gukomera biturutse k’ubushake buke bwa Polititiki bwa Guverinoma ya DRC no kuba Abategetsi b’iki gihugu ntacyo bitayeho kuri iyi ngingo, uhubwo bakaba bakomeje guhembera imvugo z’u rwango zibasira abavuga Ikinyarwanda.

Ati:”Guverinoma ya DRC ihugiye mu guhembera  no gushyigikira imvugo z’urwango . yanze kandi kubahiriza inzira zose ziganisha ku mahoro. Niyo igomba kubazwa ikibazo  cy’umutekano mucye cyugarije uburasizuba bwa DRC”

Georges Nzongola,  yakomeje avuga ko u Rwanda rukomeje gufasha umutwe wa M23 kwiyubaka ruwuha intwaro no kuwoherereza abandi basirikare, kugirango ubone uko ukomeza kwigarurira ubutaka bwa DRC ndetse ko uyu mutwe utigeze uva mu bice uheruka gutangaza ko wavuyemo muri teritwari ya Masisi.

Ati:”  icyo M23 ikora ni ukuyobya uburari kuko ivuga ko hari ibice iri kuvamo, nyamara kugeza ubu abarwanyi bayo baracyari muri ibyo bice .Uyu mutwe kandi ukomeje kwiyuba ubifashizwemo n’u Rwanda. Mu gomba kuva ku magambo hakabaho gushyira mu bikorwa ibihano bikomeyr kugeza M23 n’u Rwanda bemeye kubahiriza ibyo basabwa.”

Kuri iyi ngingo, Ambasaderi  Gatete Clever  yavuze ko Geverinoma ya DRC ikomeje gukorana no gutera inkunga umutwe w’iterabwoba wa FDLR ugizwe n’abagize uruhare muri Jenoside yakorewe abatutsi mu 1994.

Yongeyeho ko mu bihe bitandukanye, FARDC ifatanyije na FDLR bagiye bavogera ubutaka bw’u Rwanda ndetse yibutsa DRC ko  nta bihano barayifatira .

Ati:” u Rwanda rurajwe inshinga cyane n’umutwe wa FDLR  . Ni byiza ko yaba MONUSCO n’Akanama ka ONU gashinzwe amahoro n’umutekano ku Isi ,bazi neza ko guverinoma y’iki gihugu ikorana ndetse ikanaha intwaro uyu mutwe  kandi nta bihano  birafatirwa  iki gihugu kuri iyi ngingo.”

Clever Gatete , yongeyeho ko  u Rwanda kimwe n’ibindi bihugu rufite inshingano n’uburemgenzira bwo kurwana k’umutekano warwo  ndetse ko   imyitwari ya DRC ku ngabo za EAC na MONUSCO, nayo iteye amakenga.

Ati:”Ese DRC irifuza iki? Isa n’idashaka amahoro n’umutekano ku baturage bayo n’Akarere muri rusange.”

Ambasaderi Gatete,   yashinje Geverinoma ya Congo   gukoresha iturufu y’umutekano mucye  nk’intwaro ya Politiki igamije   guheza no kurwanya  abatavuga rumwe nayo, mu matora y’umukuru w’igihugu ateganyijwe mu mpera z’uyu mwaka wa 2023.