Kuri uyu wa Gatatu tariki 04 Gicurasi 2022, imodoka yari itwaye abakinnyi ba APR FC bari bagiye mu mukino uhuza iyi kipe na Marines FC, yakoze impanuka.
Iyi mpanuka yabereye mu Murenge wa Shyorongi mu Karere ka Rulindo nyuma y’uko imodoka yari itwaye abakinnyi b’iyi kipe ihagutse i Shyorongi yerecyeza i Nyamirambo ahagomba kubera uyu mukino wo mu gikombe cy’amahoro.
Nta makuru menshi y’icyateye iyi mpanuka aramenyekana gusa amafoto yagiye hanze, agaragaza imodoka ya APR yasekuye imodoka nto itwara abagenzi izwi nka Taxi Mini-Bus.
Iyi Mini-Bus bigaragara ko yangiritse cyane ku ruhande rw’inyuma mu gihe ikirahure cy’imbere cy’imodoka ya APR nacyo cyamenetse.
Ubuyobozi bwa APR FC bwasohoye itangazo buvuga ko iyi mpanuka yabaye ubwo iyi kipe yerecyezaga ku kibuga ariko ko nta mukinnyi cyangwa undi wari mu modoka ya APR wagize ikibazo kuko bose bameze neza.
RWANDATRIBUNE.COM
