Abanyekongo bahungiye mu Rwanda bacumbitse mu nkambi ya Mahama mu Karere ka Kirehe, na zo zakoze imyigaragambyo yo kwamagana ubwicanyi buri gukorerwa abo mu bwoko bw’Abatutsi, bukorwa na FARDC ifatanyije n’imitwe irimo FDLR.
Izi mpunzi z’Abanyekongo zakoze iyi myigaragambyo mu gitondo cyo kuri uyu wa Kabiri tariki 13 Ukuboza 2022, nyuma yuko kuri uyu wa Mbere na bwo hari habaye indi yakozwe n’impunzi zicumbikiwe mu nkambi ya Kigeme mu karere ka Nyamagabe.
Izi mpunzi z’i Mahama, zagaragaje impamvu zakoze iyi myigaragambyo, mu majwi yazo ziti “Twamaganye ubwicanyi ndengakamere buri gukorerwa imiryango yacu y’Abatutsi yasigaye muri Congo.”
Zivuga kandi ko zirambiwe gukomeza kuba impunzi kuko bamwe muri bo bamaze imyaka irenga 26 mu Rwanda ari impunzi, bagasaba gufashwa bagatahuka kandi n’ubwicanyi bukorerwa bene wabo bugahagarara.
RWANDATRIBUNE.COM
