Uyu munsi tariki ya 28 Mutarama 2022, nibwo harangijwe inama yahuje Abagaba b’Ingabo zirwanira mu Kirere zo ku mugabane w’Afurika n’ingabo z’Amerika zikorera muri Afurika yari imaze iminsi ibera muri Kigali Convention Center.
Yarangijwe n’Umugaba w’Ingabo z’u Rwanda General Jean Bosco Kazura.
Ubwo yatangizaga iriya nama, Perezida Paul Kagame yavuze ko umutekano n’iterambere bitajya bisigana.
Yari igamije kungurana ibitekerezo k’ubufatanye bw’ingabo zirwanira mu kirere, by’umwihariko hakibandwa ku bwikorezi bw’abantu n’ibintu muri Afurika, ibyo bita Strategic Airlift.
Yateguwe ku bufatanye n’ubuyobozi bw’ingabo z’ Amerika zirwanira mu kirere zikorera mu Burayi n’izikorera muri Afurika (USAFE-AFAFRICA).
UWINEZA Adeline
