Ingabo z’Uburundi zagabye igitero ku nyeshyamba za RED_Tabara zirwanya ubutegetsi buriho mu Burundi. Icyo gitero cyagabwe mu birindiro bya RED Tabara biri mu Masango ho muri gurupoma ya Kigoma n’iya Bijombo muri Teritware ya Uvira iri mu burasirazuba bwa Repubulika ya demokarasi ya Congo.
Aya makuru yemejwe n’umuvugizi w’inyeshyamba za RED Tabara, Patrick_Nahimana ndetse n’umwe mu miryango itegamiye kuri leta uharanira amahoro n’iterambere muri Congo.
Gusa mu myaka yashyize, igisirikare cy’Uburundi cyagiye gihakana ko kitinjiye ku butaka bwa Congo, ariko bikagaragara muri za raporo y’inzobere za ONU ko icyo gisirikare kiri muri Congo kugirango gihashye umutwe w’inyeshyamba za Red Tabarara zikomeje kuzengereza ubutegetsi buriho mu Burundi.
UWINEZA Adeline
