Kuri uyu wa mbere tariki ya 1/6/2020 nibwo hari hateganyijwe ko ingendo zose zirimo moto zitwara abagenzi ndetse n’ingendo hagati y’intara zitandukanye zari gusubukurwa gusa izo ngendo zikaba zisubitswe.
Nyuma yuko hashize igihe kingana n’amaze atatu ingendo za Moto zitwara abagenzi ndetse n’ingendo z’imodoka hagati y’intara n’umujyi wa Kigali zihagaze mu rwego rwo kwirinda ikwirakwira rya Coronavirus, kuri uyu wa mbere tariki ya 1/6/2020 nibwo byari biteganyijwe ko izo ngendo zongera zigasubukurwa nkuko byemejwe n’inama y’abaminisitiri iherutse kuba tariki ya 18/5/2020.
Bamwe mu bakora umwuga wo gutwara ibinyabiziga bakaba bari biteguye ko bari bu byukire mu kazi nkuko bisanzwe, gusa habura iminota igera kuri 30′ ubwo ni ukuvuga saa tanu na mirongo itatu (23h30′) ibiro bya Minisitiri w’Intebe bikaba bimaze gutangaza ko izo ngendo zitakemewe.
Mu itangazo ibiro bya Minisitiri w’intebe binyujije kuri Twitwer rivuga ko izo ngendo zitemewe, ndetse ko ingamba nshya zo kwirinda coronavirus zizatangazwa kuri uyu wa kabiri tariki ya 2/6/2020, iryo tangazo riragira riti:
“Nyuma y’isesengura, ingendo hagati y’intara zitandukanye, hagati y’intara n’Umujyi wa Kigali hamwe na moto zitwara abagenzi biracyabujijwe mu rwego rwo kurengera ubuzima bw’abaturage. Ingamba nshya zo kurwanya Covid-19 zizatangazwa n’Inama y’Abaminisitiri yo ku wa 2 Kamena 2020.”
Ibi bije nyuma yuko Police y’u Rwanda yari imaze gushyiraho ingamba zizagenderwaha ndetse n’ikigo cy’igihugu ngenzuramikorere RURA kimaze gushyiraho ibiciro bishya byingendo
Itangazo ryari rimaze gutangwa na Police
Ndacyayisenga Jerome
