Gen Gilbert Kabanda Minisitiri w’Ingabo muri DRC, yatangaje ko kuva DRC yabona ubwigenge batigeze bamenya ko umutungo kamere wa w’iki Gihugu, uzatuma bashozwaho intambara n’ibihugu bituranyi atigeze atangaza amazina.
Yabitangaje ejo kuwa 27 Ukuboza 2022, ubwo yari mu muhango wo kumurika umushinga ugamije kuvugurura no kubaka igisirikare cya FARDC.
Yagize ati: Ninjiye mu ngabo z’igihugu mu mwaka wa 1971 kandi namaze imyaka igera kuri 15 ndi m’Ubuyobozi bukuru bw’ingabo.
Abayobozi ba DRC muri icyo gihe ,ntabwo bigeze bamenya ko Umutungo kamere wa DRC uzatuma dushozwaho intambara n’ubushotoranyi n’Ibihugu bituranyi. Ubushotoranyi bwose bw’Abaturanyi bwagiye butugeraho m’uburyo bwadutuguye.”
Yongeyeho ko iyi ari imwe mu mpamvu ,umutwe wa M23 ukomeje kubatesha umutwe ndetse ko ubu DRC yafashe gahunda yo kuvugurura no kubaka igisirikare gikomye kandi cy’umwuga kizabasha kurinda umutekano n’Ubusugire bwa DRC.
