Inyeshyamba za M23 zigaruriye agace Ngugo na Nyesisi

Imirwano ikomeye ihanganishije abarwanyi ba M23 ahitwa Ngugo na Nyesisi muri Gurupoma ya Rugali

Inyeshyamba bikekwa ko ari iza M23 zikomeje ibitero byo kwigarura udece dutandukanye two mu Rutscuro,aho mu rukerera rwo kuri uyu wa mbere taliki ya 22 Ugushyingo 2021 zagabye ibitero ku birindiro by’ingabo za Congo FARDC biri ahitwa Nyesisi na Ngugo,mu mirwano itamaze akanya ingabo za Leta zikizwa n’amaguru.

Isoko y’amakuru ya Rwandatribune iri mu gace ka Rugali yavuze ko abo barwanyi basahuye intwaro nyinshi,ibiryo n’imiti barangije basubira mu ishyamba,kugeza ubu abaguye muri iyo mirwano ntibaramenyekana.

Mu nkuru y’ejo twabagejejeho yagiraga iti: https://rwandatribune.com/rdcabarwanyi-bikekwa-ko-ari-aba-m23-bigaruriye-agace-kahitwa-bukima/,mu itangazo ryasohowe n’urwego rushinzwe amapariki ICCN(institut congolaise pour la conservation de la nature)dufitiye kopi uru rwego rwavuze ko  Brigadier en chef Kanyarucinya Étienne ufite imyaka  48 winjiye mu 1995,ubwo yari ayoboye abarinzi ba Pariki bari muri Paturuye baje kugwa   mu gico cyari cyatezwe cy’abarwanyi ba M23,akarasirwamo.

Ubwo twandikaga iyi nkuru abarwanyi ba M23 nibo bari bakigenzura utu duce twa Nyesisi na Ngugo,twashatse kumenya icyo uruhande rwa M23 rubivugaho twahamagaye Bertrand Bisimwa Umuyobozi wayo k’umurongo wa telephone ntiyacamo.

Mwizerwa Ally