Imirimo yo gusana no kuzitira ikibuga cya Stade Ubworoherane ishobora gutuma ikipe ya Musanze FC yemererwa kuhakirira imikino ya shampiyona igeze ku kigero gishimishije
Rwandatribune.com yasuye ahubatse ikibuga cya Stade ubworoherane dusanga imirimo yo gusana ndetse no kuzitira iki kibuga igeze ku musozo ku buryo bigaragara ko iki kibuga nta kabuza cyakwakira imikino ya shampiyona dore ko icyizere cy’umwimerere w’ubwatsi buhari kuko igihe cy’imvura gifasha ubwatsi gukura neza, gusa Ferwafa ikaba ariyo igomba kwemeza niba koko icyi kibuga cyujuje ubuziranenge.
Mu kwezi kwa munani ubwo ishyirahamwe ry’umupira w’amaguru riheruka gusura ikipe ya Musanze FC rigenzura niba iyi kipe yujuje ibisabwa ngo yemererwe gukina shampiyona y’icyiciro cya mbere ibarizwamo, kimwe mubyo ferwafa yasanze iyi kipe itari yujuje harimo ikibuga (pitch) cyangiritse no kuba kitazitiye mu rwego rwo gukumira abafana ngo batinjira mu kibuga mu gihe cy’umukino cyangwa umukino urangiye.
Guherera mu ntangiriro z’ukwezi kwa 9 ubuyobozi bw’akarere ka Musanze iyi kipe ibarizwamo n’ubuyobozi bwite bw’ikipe batangiye imirimo yo kuzitira no gusana iki kibuga kugirango Musanze FC yemererwe kwakira imikino y’icyiciro kibanza (Phase aller) kuri ubu imirimo ikaba igeze ku musozo nyuma y’ibyumweru bigera kuri 3 ikipe ya musanze ikorera imyitozo hanze ya stade ubworoherane.
Tariki ya 04 Ukwakira, mu mpera z’iki cyumweru dutangiye nibwo shampiyona y’u Rwanda “Rwanda Premier League” iratangira.
Nyuma yo gusoza umwaka wa shampiyona ya 2019-2020, Ishyirahamwe ry’umupira w’amaguru mu Rwanda FERWAFA ryari ryamenyesheje amakipe yose ibisabwa kugirango ikipe yemererwe gukina iyi shampiyona ya 2019-2020 (Bizwi nka Club licencing) ndetse muri byo hakaba hari ibisabwa kugirango ibibuga bibe byujuje, kugirango ikipe yemererwe kwakirira imikino yayo kuri icyo kibuga.
Biteganijwe ko ikipe ya Musanze izajya ikorera imyitozo hanze y’iki kibuga (Ku kibuga kitaramenyekana neza) usibye imyitozo yanyuma itegura kwakira amakipe yayisuye mu rwego rwo kurinda ubwatsi kwangirika.
Ikipe ya Musanze FC izatangira icakirana na AS Muhanga ku cyumweru tariki ya 6/10/2019 hanze ya stade Ubworoherane ikurikizeho kwakirirra Police FC Tariki ya 9 /10/2019 kuri iki kibuga cyayo.
Hakorimana Christian
