Kuri uyu wa Mbere tariki ya 21 Kamena 2021, Inama y’abaminisitiri yateraniye muri Village Urugwiro iyobowe na Nyakubahwa Perezida wa Repubulika y’u Rwanda Paul Kagame.
Zimwe mu ngamba zafatiwe muri iyi nama harimo nizo gukomeza gukaza ingamba zo guhangana n’icyorezo Covid-19 gikomeje gufata indi ntera mu Rwanda.
Isaha yo gutaha yavanwe kuri Saa Satu z’umugoroba ishyirwa kuri Saa Moya.Ibikorwa byemerewe gukora bizajya bifunga imiryango saa Kumi n’ebyiri z’umugoroba.
Ingendo hagati y’Intara n’umujyi wa Kigali n’ingendo zihuza utundi turere zirabujijwe kereka ku bakeneye servizi z’ubuvuzi , Srivisi zihutirwa n’imodoka zitwaye ibicuruzwa nazo ntizemerewe kwambuka uturere zitarengeje abantu babiri zitwaye.
Amateraniro rusange harimo ubusabane n’ibirori bitandukanye byaba ibibera mungo cyangwa ahandi hose birabujijwe.
Ibikorwa by’ubukerarugendo bizakomeza hubahirizwa amabwiriza azashyirwaho na RDB.
