Ishyaka FDC ryirukanye Madamu Owek. Joyce Naboosa Ssebugwawo uherutse kugirwa umunyamabanga wa Leta muri Minisiteri y’ibikorwaremezo muri Guverinoma nshya ya Perezida Museveni aho ashinjwa kurenga ku tegekonshinga ishyaka rigenderaho cyane cyane mu ngingo yaryo ya 12.
Nkuko ibaruwa yanditswe n’umuyobozi w’Ishyaka Forum for Democratic Change Patrick Oboi Amuriat ibivuga, Madamu Ssebugwamo yarenze kumabwiriza agenga ishyaka FDC ubwo yemeraga umwanya yahawe muri Guverinoma ya Museveni bafata nk’umwanzi wakandamije igihugu cyabo, bityo akaba arinayo mpamvu yakuwe mu banyamuryango b’iri shyaka ku mugaragaro.
Yagize ati”Nkuko mubizi madamu Owek. Joyce Naboosa Ssebugwawo wari Visi Perezida w’ishyaka FDC yagizwe umunyamabanga wa leta muri Guverinoma y’umunyagitugu wakandamije abaturage imyaka irenga 30.Bivuze ko yarenze ku ngingo ya 12 y’itegeko nshinga rya FDC. Kuva aka kanya yambuwe umwanya wa Visi Perezida w’Ishyaka ryacu “
Iri tangazo rikomeza rivuga ko inshingano z’umuyobozi w’ishyaka wungirije zari zifitwe na Madamu Ssebugwamo ziraba zikorwa na Perezida waryo Patrick Amuriat mu gihe cy’ibyumweru 2 ubwo hazakorwa amatora y’ugomba kumusimbura.
Madamu Owek Ssebugwamo yari amaze imyaka isaga 20 mu ishyaka FDC, aho azwi cyane mu bikorwa bikomeye by’iri shyaka nko nkuyobora imyigaragambyo yabaga yateguwe na Col. Dr Kiiza Besigye ubwo yari akiri umuyobozi w’iri shyaka ritavugarumwe na NRM iri ku butegetsi muri Uganda.
