Kuri uyu wa Kane tariki ya 7 Ukwakira 2021 nibwo Dr Kiiza Besibye n’abandi bakomeye mu mashyaka atavugarumwe n’ubutegetsi bwa Perezida Museveni bashinze ihuriro bise People’s Front for Transition(PFT), gusa batungurwa no kubona ishyaka NUP rya Bobi Wine rititabiriye ubu butumire.
Ihuriro PFT rigizwe amwe mu mashyaka atavugarumwe n’ubutegetsi bwa NRM(National Resistance Movement) riyoborwa na Yoweri Kaguta Museveni nka FDC,DP,UPC,JEEMA na CP.
Mu kiganiro yagiranye n’itangazamakuru nyuma yo gufungura iri huriro, umuyobozi waryo Dr Kiiza Besigye yavuze ko zimwe mu mpamvu zabateye gushinga iri huriro ari ukigirango bahurize hamwe imbaraga mu guhangana n’Ishyaka NRM rimaze imyaka ikabakaba 40 ku butegetsi bwa Uganda.
Besigye yagize ati” Iri huriro rigamije gukuraho igitugu, ninayo mpamvu twatumiye abifuza ko dufatanya uru rugamba.
Abajijwe niba Ishyaka National Unity Platform rya Robert Kyagulanyi uzwi nka Bobi Wine rifatwa nk’irya mbere mu mashyaka atavugarumwe n’ubutegetsi ryaba ryatumiwe. Dr Besigye yavuze ko ryatumiwe gusa ngo bagatungurwa no kubona nta numwe ryohereje ngo arihagararire muri uyu muhango.
Biteganijwe iri huriro ryashinzwe na Besigye rizabanza gusuzuma amahame y’amashyaka arigize mbere y’uko rijya kwiyandikisha ngo babone ubwemererwa gukora mu buryo bukurikije amategeko.
