Ishyaka ry’Abarepubulikani ryongeye kubona ubwiganze bw’abagize Sena ya leta zunze ubumwe z’Amerika. Mu matora yabaye kuwa kabiri, ryabonye imyanya 51 kuri 50 itegenyijwe. Kugeza kuri uyu wa gatatu ntiharamenyekana ishyaka rizegukana imyanya myinshi mu bagize umutwe w’Abadepite mu nteko ishinga amategeko y’amerika
Imyanya 435 yose y’abagize inteko ishinga amategeko y’Amerika yarahatanirwaga mu matora yabaye ejo kuwa kabiri mu gihugu hose, mu gihe imyanya 34 mu 100 igize Sena yahatanirwaga.
Mbere y’umunsi w’itora, abademoKrate bari bafite ubwiganze muri sena mu gihe gihe abarepubulikani bari babufite mu mutwe w’abadepite. Intsinzi yabonetse ku bahatanira imyanya ya Sena muri Leta za West Virginia na Ohio byongeye kubasubuza ubwiganze bw’amajwi mu mutwe wa Sena w’inteko ishinga amategeko y’Amerika.
Mu mutwe w’abadepite abademokrate bari imbere ku majwi 220 kuri 212 mu gihe hari hakiri imyanya 3 itaratsindirwa igihe binjiraga mu matora. Kugeza ubu ntiharamenyekana uwegukanye intsinzi. Birashoboka ko uzagira ubwiganze mu mutwe w’Abadepite atazahita amenyakana mu minsi ya vuba kubera ko Leta ya California ikunze kumara iminsi ibarura amajwi rimwe na rimwe hakabaho gusubiramo amatora kuri iyi myanya bibaye ngombwa bityo bigatwara igihe kibarirwa mu byumweru
Ikusanyabitekerezo ryakozwe n’abanyapolitike muri aya matora ryerekana ko mu mu batora, amashyaka yombi aryana isataburenge mu bipimo by’ubwiganze mu nteko ishinga amategeko cyangwa Congre y’Amerika nkuko byari bimeze hagati ya Donald Trump na Kamala Harris bahataniraga umwanya w’umukuru w’igihugu.
Rwandatribune.com
