Komisiyo y’Igihugu y’amatora yatangaje imibare y’agateganyo y’ibyavuye mu matora y’abadepite 53, ugaragaza Umuryango FPR Inkotanyi nk’uyoboye abandi cyane ko wagize amanota angana 62,67%.
Ibi bikorwa by’amatora y’ Abadepite 53 byabaye ku wa 14 Nyakanga ku Banyarwanda baherereye mahanga(Diaspora) , no ku wa 16 Nyakanga 2024 ku Banyarwanda baherereye mu Gihugu.
Kuri ubu hamaze kubarurwa abantu bagera 8.761.453, bingana na 96,60% , mu bantu bagera 9.071.157 bagombaga gutora.
Ishyaka rya PL ryaje rikurikiye ishyaka rya FPR Inkotanyi aho ryatowe n’abantu 957.602 bangana n’amajwi 10,97%.
Ishyaka rya PSD ryatowe n’abantu 827.182 bangana n’amajwi 9,48%.
Ishyaka Riharanira Demokarasi no Kurengera Ibidukikije (DGPR – Green Party), ryatowe n’abantu 462.290, bangana na 5,30%.
Ishyaka PDI ryatowe n’abantu 507.474 bangana na 5,81%.
Ishyaka rya PS Imberakuri ryatowe n’abantu 459.526 bangana na 5,26%.
Nsengiyumva Janvier, Umukandida wigenga yatowe n’abantu 44.881 bangana na 0,51%.
Ku wa 27 Nyakanga 2024 nibwo Komisiyo y’Igihugu y’Amatora izatangaza ibyavuye mu matora ya Perezida wa Repubulika n’Abadepite burundu.
Cynthia NIYOGISUBIZO
