Umukuru w’ishami rya Politike ry’ umutwe wa Hamas, Ismail Haniyeh, aremeza ko batatu mu bahungu be na bane mu buzukuru be bishwe mu gitero cyo mu kirere cyabereye mu ntara ya Gaza. Ibinyamakuru byegamiye kuri uyu mutwe wa Hamas bivuga ko imodoka yari itwaye aba bahungu be yatewe mu nkambi ya Al-Shati hafi yagace ka Gaza.
Haniyeh avuga ko ibi byabaye bidashobora guhindura ibisabwa na Hamas mu biganiro bifite intego yokugera ku masezerano yo guhagarika intambara ni mugihe Igisirikare cya Israel cyo kivuga ko aba bahungu be bari mw’ishami rya gisirikare rya Hamas.
Amakuru avuga ko aba bantu batewe bari mu nzira bagiye mu birori by’umuryango byo guhimbaza umusi wa mbere w’akaruhuko ka Eid el Fitl mw’idini rya Islam, naho Haniyeh we yabwiye ikinyamakuru Al Jazeera ko abahungu be – Hazem, Amir, na Muhammad – bari bagumye muri Gaza muri ino ntambara.
Itangazo rya Hamas nyuma ryavuze ko bane mu buzukuru ba Haniyeh – Mona, Amal, Khaled na Razan – bari mu bishwe mu numutwe witerabwoba, Haniyeh avuga ko yumvise ano makuru mu gihe yari yagendereye inkomere z’Abanya-Palestina zatwawe kuvurirwa mu murwa mukuru wa Qatar, Doha, ari naho umuyobozi wa Hamas asanzwe aba.
Yabwiye Al Jazeera ati: “Umwanzi aribeshya niba yumva ko gutera abahungu banjye, mu gihe ibiganiro byo guhagarika intambara bigeze ku ndundura n’imbere y’uko uyu mutwe utanga ikifuzo cyawo, bizatuma Hamas ihindura aho ihagaze”.
Igisirikare cya Israel kivuga ko “cyishe abakozi batatu b’ishami rya gisirikare rya Hamas hagati muri Gaza”, kinongeraho ko bari abahungu ba Ismail Haniyeh. Iri tangazo ntirivuga iby’aba buzukuru ba Haniyeh bivugwa ko bapfuye.
Mu gihe igitsure cyamahanga gisaba ko bagera ku masezerano yo guhagarika intambara kigenda cyiyongera, Perezida Joe Biden wa Reta Zunze Ubumwe za Amerika yohereje umukuru wa CIA (igice cya Amerikagishinzwe iperereza ryo hanze), William Burns, mu biganiro birimo kubera i Cairo (umurwa mukuru wa Misiri).
Bivugwa ko umwanzuro uherutse gutangwa, Hamas ivuga ko irimo Gusesengura irekurwa ry’Abanya-Israel 40 bafashwe bugwate ubu bakaba bafungiwe muri Gaza, hanyuma Israel nayo ikarekura Abanya-Palestina 900 bafungiwe mu magereza yayo.
Haniyeh afatwa nk’umutegetsi w’ikirenga wa Hamas, akaba ari umurwanyi uzwi cyane w’ uyu mutwe kuva mu 1980. Yatowe mu 2017 kugira ngo ayobore urwego rwa Politike rwa Hamas, Minisitiri w’imigenderanire wa Amerika bukaba bwamushize ku rutonde rw’abakora iterabwoba mu 2018.
Aba si bo ba mbere mu muryango wa Haniyeh bishwe muri iyi ntambara. Bivugwa ko uwundi muhungu we yishwe mu kwezi kwa (2), mu gihe mwenewabo we n’umwishywa we nabo bishwe mu kwezi kwa (10), hagakurikira umwuzukuru we mu kwezi kwa (11) umwaka ushize.
Israel ivuga ko mu bantu 130 bafashwe bugwati bakiri muri Gaza, nibura 34 bamaze gupfa.
Abanya-Gaza barenga 33.000, abenshi muri bo bakaba ari abasivire, baramaze kwicwa mu bitero Israel yatangiye kuri Gaza kuva kuri iki gitero cyo muri ugushyingo nk’uko bitangazwa na minisitiri wubuzima mu butegetsi bwa Hamas.
MUKAMUHIRE Charlotte
Rwandatribune.com
