Inshingano z’iryo torero ngo ni ukubanza kwigisha abaturage ku nama nkuru y’idini rya Satani no gukemura imyumvire itari yo ku bijyanye n’imigenzo ya Satani ndetse n’ubwoba bwa Satani.
Umwe mu bashinze iri torero rya satani muri Afurika y’Epfo, Riaan Swiegelaar, avuga ko kugirango bashobore kwiyandikisha byatwaye imyaka 4 yose. Iri torero rifite inama nkuru igizwe n’abantu 7 bahagarariye guhagararira satani muri Afurika y’Epfo. Aganira na radiyo zaho muri Afurika y’Epfo, Riaan Swiegelar yagize ati:
Igihe ku bwanjye namenyaga ibya satani, ntabwo mu by’ukuri byari umuryango wateguwe. Kandi nta bari bawuhagarariye ku buryo nagombye gushaka inzira mu mwijima niko nabivuga, kugeza ubwo mpuye na bagenzi bacu ba satani nuko duhinduka abantu bafitanye isano. Ni ngombwa rero kugira itsinda ryumvikana rihuje ibitekerezo kandi dushobora guhura.
Ku bwa Swieglar, wakuriye mu muryango wo hagati ariko ukomeye mu idini ya gikirisitu, “igitekerezo nyamukuru kuri satani ni ubwenge bwihariye no kubaho udahangayikishijwe n’icyaha cyatewe n’andi madini biturutse ku bushake bwa muntu.”
Sweiglar avuga ko umuryango we utagira inzika kandi ko wemeye amahitamo ye.
Mwizerwa Ally
