Perezida uheruka gutorwa muri Leta Zunze Ubumwe z’Amerika Joe Biden yahishuye ko Amerika ishobora kumenekamo amarasa y’inzirakarengane z’abaturage igihe cyose Trump yaba akomeje kwinangira kurekura ubutegetsi.
Mu kiganiro yahaye abaturage ba Amerika ari muri Leta ya Delaware Joe Biden yavuze ko mugihe Amerika ikeneye guhuza imbaraga mu guhangana n’icyorezo cya Covid-19 kuruta guhangana n’abavuga ko batazarekura ubutegetsi.
Inkuru ya BC ivuga ko Biden yavuze ko gushyira mu gaciro kwa Trump ari guke , biturutse ku cyemezo kibi yafashe cyo kutemera ibyavuye mu matora aheruka kuba aha muri Amerika.
Ibi bije bikurikira amagabo yagiye atangazwa n’ibyamamare binyuranye muri Politiki, nka Michelle Obama uheruka gutangaza ko Trump adakwiye kuzana imikino yo kwanga kurekura ubutegetsi busanzwe bufatwa nk’icyitegererezo cya Demokarasi kuva mu myaka ikabakaba 200 ishize.
Mbere y’amatora yo muri Leta zunze ubumwe z’Amerika , Trump yakomeje kugaragaza impungenge aterwa n’uko ngo aba Demokarate bari barateguye igikorwa cyo kwiba amajwi na mbere yuko amatora aba.
Tariki ya 3 Ugushyingo amatora akimara kugaragaza ko Umudemokarate Joe Biden ariwe watsinze Amatora 2020. Itsinda rishinzwe kwamamaza Trump ryahise ritanga ikirego mu Rukiko Rwikirenga rivuga ko amatora yabayemo uburiganya budasanzwe.
Ikigo ‘General Services Administration (GSA) gishinzwe gutangaza burundu ibyavuye mu matora ,ntikiremeza Biden na Kamala Harris bko aribo batsinze amatora.
Ibyo bituma hari amakuru amwe namwe y’ingenzi ahabwa ubutegetsi bushya atarahabwa ubutegetsi bushya bwitegura kujyaho.
Joe Biden yabonye amajwi 306 mu gihe amajwi yemerera umukandida gutsinda amatora ari 270.
Biden Niyemezwa nka Perezida wa Amerika ,Umuhango wo kumurahiza nka Perezida Mushya wa Leta Zunze Ubumwe z’Amerika uzaba kuwa 20 Mutarama nk’uko bisanzwe bigenda buri gihe.
Ildephonse Dusabe
