Kalemie : Abasirikare bifatanije n’abaturage mu myigaragambyo yo kwamagana u Rwanda

kuri uyu wa 21 Ugushyingo abayobozi bo muri Kelemie bazindukiye mu myigaragambyo yo kwamagana u Rwanda ndetse n’inyeshyamba za M23 zimaze igihe zihanganye na Leta ya Congo. Ni imyigaragambyo yanitabiriwe n’abasirikare aho umuyobozi w’iyi ntara yasabye abitabiriye iyi myigaragambyo guhora bashyize igihugu cyabo imbere.

Muri iyi myigaragambyo bagaragaje ko FARDC ntaburenganzira bafite  bwo gucika intege kuko  n’ubwo u Rwanda rwabateye rutabaruta ndetse rutabarusha n’imbaraga, bityo rero yemeza ko bagomba gushikama. Yavuze u Rwanda ashaka kugaragaza  ko M23 ifashwa n’u Rwanda nk’uko bakunze kubivuga mu mbwirwaruhame zabo.

Iyi myigaragambyo  yitabiriwe n’abasirikare benshi bagaragarije mo ko barambiwe gutsindwa n’inyeshyamba za M23 mugihe bo ari igisirikare gikomeye kandi gifite ibikoresho. Ibyo byose babigarutse ho bemeza ko  bakwiriye gutanga ubuzima bwabo kugira ngo igihugu kibeho.

Umuhoza Yves