Perezida w’u Burundi Evariste Ndayishimiye kuri uyu wa Kane tariki ya 17 Werurwe 2022, yakiriye Arikipisikopi wa Kigali Antoine Cardinal Kambanda uri mu ruzinduko rw’akazi mu Burundi.
Nkuko ibiro by’umukuru w’u Burundi byabitangaje, Antoine Cardinal Kambanda uri mu Burundi aherekejwe n’umushumba wa Diyosezi ya Butare, Msgr Phillipe Rukamba.
Aha mu gihugu cy’u Burundi, biteganijwe ko Cardinal Kambanda asura byinshi mu bikorwa bya Kiliziya Gatolika, ndetse anagirane ikiganiro n’abayobozi bayo ku rwego rw’igihugu.
Cardinal Kambanda kuva yatorerwa izinshingano na Papa Francis mu mwaka 2020 ni uruzinduko rwa mbere agiriye mu gihugu cy’u Burundi.
