Abadepite bo ku mpande ebyiri zihanganye muri Kenya( Uruhande rwa Perezida Uhuru na Visi Perezida Ruto) barwaniye mu kiriyo nyuma y’aho umwe ashinje mugenzi we ko ari umujura.
Iyo mirwano yabaye kuri uyu wa Mbere hagati ya Depite Simba Arati uhagarariye agace ka Dagoretti y’Amajyaruguru na Sylvanus Osoro uhagarariye agace ka Mugirango y’Amajyepfo.
Simba niwe imvururu zakomotseho. Ubwo yari atangiye kugeza ijambo ku baje mu kiriyo, yagize ati “Dufite abayobozi benshi aha b’inshuti z’akadasohoka za Visi Perezida bamaze kwangiza ubuzima bwabo. Aba ni amabandi badakwiriye kwemererwa kujya mu mwanya uwo ari wo wose w’ubuyobozi.”
Depite Sylvanus Osoro wari wasoje ijambo rye mbere, yahagurukanye uburakari, afata mu mashati Depite Simba, batangira guterana ibipfunsi.
Citizen TV yatangaje ko hataramenyakana uburyo Osoro yakubiswemo, gusa amashusho yashyizwe ku mbuga nkoranyambaga agaragaza uwo mudepite yicaye hasi mu buryo bigaragara ko atahicaye ku bushake.
Ubusanzwe Osoro ni inshuti n’umurwanashyaka wa Visi Perezida wa Kenya, William Ruto mu gihe Arati ari umurwanashyaka wa Raila Odinga utavuga rumwe na Leta. Ruto na Odinga bari bari muri icyo kiriyo.
Abapolisi nibo bahagobotse bakiza iyo mirwano yari imaze kudurumbanya ikiriyo.
ubwo ni uruhande rwa Ruto na Uhuru cg ni Odinga na Ruto. Mukosore inkuru yanyu.
ni uruhande rwa Ruto kuko niba ukurikira Politiki ya Kenya uzi neza ko batarebana neza. Better ko ujya ukurikira kuruta uko uvuga amarangamutima yawe!