Guverinoma ya Kenya ishobora kongera gufata umwanzuro wo gukaza ingamba zo kwirinda Covid-19, bimwe mu bikorwa bihuza abantu benshi nk’utubari n’utubyiniro byari bimaze igihe bikomorewe bikongera gufungwa.
BBC ivuga ko amakuru ifite yizewe ari uko ubuyobozi bw’iki gihugu bushobora kongera gukarishya ingamba zo kwirinda Covid-19, utubari n’utubyiniro bikongera gafungwa kubera umubare w’abandura iki cyorezo buri munsi ukomeje kwiyongera.
Kugeza ubu muri iki gihugu umubare w’abanduye Covid-19 umaze kurenga ibihumbi 57 Mu gihe abo yahitanye barenga 1000.
Muri izi ngamba BBC ivuga ko zishobora kujya hanze mu minsi iri imbere, ibikorwa bya Politiki n’ibindi bihuza abantu benshi bishobora nabyo guhagarikwa.
Nyuma y’uko Kenya itangiye gukomorera ibikorwa bimwe na bimwe byari byafunzwe mu gihe cya Guma mu Rugo, ubwandu muri iki gihugu bwatangiye kongera kuzamuka ndetse hatangira kugaragara n’umubare w’abanyeshuri n’abarimu bandura iki cyorezo.
Muri iki gihugu hari abantu 57.093 banduye Coronavirus mu gihe 1.039 bo bapfuye.
Src.BBC
