Urukiko rw’Ikirenga muri Kenya rwahaye uburenganzira Raila Odinga kugira ngo abashe kugenzura ububiko bw’ikoranabuhanga bwakoreshejwe mu kubarura amajwi mu matora y’Umukuru w’Igihugu aheruka, yari ahanganyemo na William Ruto.
Rwasabye kandi Komisiyo y’Amatora imuha uburenganzira ku dusanduku tw’amatora muri site z’itora zigera muri 14 zagarutsweho na Raila Odinga ko yifuza kugenzura ko atibiwemo amajwi nk’uko yabisabye.
Muri zo harimo site za Nandi Hills, Sinenderi Primary School, Belgut, Kapsuser, Chepkutum Primary School mu gace ka Kericho, Jomvi, Mikindani, Mvita Majengo n’izindi nyinshi harimo n’iziherereye mu mugi wa Mombasa.
Ibi bibaye nyuma y’Ikirego Raila Odinga yashyikirije Urukiko rw’Ikirenga rwa Kenya agaragaza ko yibwe amajwi.
Urukiko rwatangaje ko ibi bigamije gufasha Raila Odinga gushaka ibimenyetso bigaragaza ko amatora yabayemo uburiganya.
Claude HATEGEKIMANA
RWANDATRIBUNE.COM
