Abaturage bahangayikishijwe n’ubuziranenge bw’ibinyobwa by’IKOSORA bizwi nka Kambuca nyuma yaho kuri iki Cyumweru ahitwa mu Ndangamahoro I Nyabugogo , bituritse abari aho bakikanga ko ari ibisasu.
Umwe mu bakora umwuga wo gutwaza abantu imizigo wari uri aho biba avuga ko byatangiye guturika bakikanga iyo bakozeho yose igahita ishwanyuka , ati” Izari aho zose zaraturitse , kubera ko tutari kuzireka ngo zipfe ubusa twazinywereye ubuntu na Nyir’uruganda ahibereye “.
Twifuje kumenya niba iki kinyobwa gifite ubuziranenge butangwa na Rwanda Standard Board uruhusa ruzwi nka S-Mark dusanga hari urwo bakoresha rufite nomero RS 344:2019 rusa nk’aho ntagaciro rufite kuko basabwa kuryongera buri mezi atandatu mu Rwego rwo kumenya ko batahinduye ibipimo byaherewe ubuziranenge.
Amakuru yizewe aturuka muri uru ruganda avuga ko badafite Laboratware yuzuye yo gupima n’umukozi wabyigiye kuko ngo impamvu ziri gutera iri turika ari umusemburo mwinshi bari gushyira muri iki kinyobwa bigatuma zishyuha cyane kugeza zituritse.
Abaturage baganiriye na RwandaTrubine, bavuga ko hatagize igikorwa ngo hakazwe ubugenzuzi abaturajye bajya bahabwa ibinyobwa birimo uburozi, bagasaba ikigo gishinzwe kugenzura ibyo kurya , kunywa n’imiti ( Rwanda FDA) hamwe na Rwanda Standard Board (RSB) Gukora ubugenzuzi bwihariye kuri uru ruganda kuko ngo bigaragara ko bari gukora ibisa n’ibirimo uburozi bukomeye.
Nteziryayo Jean Marie , avuga ko yaguze Ikosora yagera mu rugo kubera ko ngo yari yayiguze ari ku manywa izuba riva yageze mu rugo ihita imuturikana atarayikoresha.
Kayiranga Valens, umuyobozi w’uruganda IKOSORA Ltd , ku bibazo cy’uko ziri guturikana abanywi , avuga ko Hari abamwigana zikaba ari zo ziri guturika, gusa ntiyemera ko no kuri Depot ye I Nyabugogo mu Nkundamahoro zaturikiyemo umusubirizo.
Ikigo Cy’igihugu gishinzwe kugenzura ibyo Kurya , Kunywa n’imiti kivuga ko Nta kinyobwa cyangwa ibiribwa byemerewe kwamamazwa bitarahanwa uburenganzira na Rwanda FDA
Mu mabwiriza no 0892/Rwanda FDA/2019 yatanzwe na Rwanda FDA tariki ya 28 Nyakanga 2019 kumenyekanisha no kwamamazwa bitemewe utarahabwa uruhushya na Rwanda FDA. Bivuze ngo
Uruganda IKOSORA ruramutse rutarahawe uruhushya rwangongwa n’iri bwiriza.
Nkundiye Eric Bertrand
