Munyabugingo Charles ni umuyobozi kigo cy’igihugu gishinzwe ingufu REG ishami rya Kabeza mu mujyi wa Kigali , yatawe muri yombi n’Urwego rw’igihugu rw’Ubugenzacyaha RIB nyuma yo gufatirwa mu cyuho yakira ruswa y’ibihumbi Magana abiri y’u Rwanda yahabwaga n’umukiriya kugirango amuhe serivisi.
RIB yatangaje ko uyu Munyabugingo yafashwe kuri uyu wa Gatatu ahita atabwa muri yombi , akaba akurikiranwe ho kwaka ruswa umukiliya kugirango amuhe serivisi uru rwego rukomeza rutangaza ko Munyabugingo Charles afungiye kuri sitasiyo ya RIB ya Remera mu gihe iperereza rikomeje kugirango hakorwe idosiye ishyikirizwe ubutabera.
Umuvugizi w’Urwego rw’Igihugu rw’Ubugenzacyaha RIB, Dr Murangira Thierry yashimiye abaturage batanze amakuru kugirango ukekwa afatirwe mu cyuho , abashishikariza gukomeza kugaragaza abafite umuco mubi wo kwaka ruswa nk’ikiguzi kugirango babahe ibyo bafitiye uburenganzira
Yagize ati “ Ukekwa ubu afungiye kuri sitasiyo ya RIB ya Remera , RIB nta narimwe izihanganira umuntu wese usaba ruswa ngo atange serivisi abaturage nabo barashishikarizwa kwanga gutanga ruswa ahubwo bakajya badutungira agatoki.”
Ingabire Rugira Alice
