Abafana 7 n’umupolisi umwe baguye muri Stade des Martyrs i Kinshasa , nyuma y’umuvundo wabaye mu gitaramo cyateguwe n’umuhanzi Fally Ipupa N’simba.
Umuyobozi wa Polisi ya Kinshasa, Gen Slyvano Kasongo yemeje ko mu bantu 8 baguye muri iki gitaramo harimo n’umupolisi umwe.
Gen Kasongo yagize ati:” Abantu 8 barimo umupolisi umwe nibo baguye mu gitaramo cyateguwe n’umuririmbyi Fally Ipupa. Ni umuvundo wabaye muri Stade des Martyrs yari irimo abarenga ibihumbi 80.”
Gen Kasongo avuga ko muri uyu muvundo hakomerekeyemo abantu benshi bahise bajyanwa ku bitaro igitaraganya.
Muri iki gitaramo cyabaye kuri uyu wa Gatandatu tariki 28 Ukwakira 2022, ubwo Fally Ipupa yageraga ku rubyiniro ahagana saa Kumi z’Umugoroba abafana bateje akavuyo muri Sitade biba ngombwa ko abapolisi barinda igice cyari kirimo abanyacyubahiro. Binavugwa ko Umupolisi wa Congo wapfuye yari umwe mu bari barimo kurinda umutekano w’abanyacyubahiro.
Fally Ipupa ni umuririmbyi ubimazemo igihe binamuha kuba akundwa n’abantu benshi kandi mu ngeri zitandukanye. Yameneyekanye cyane mu myaka yo hambere aho yari umwe mu bagize itsinda rya Wenge Music.
