Umutwe wa M23 washinje ingabo za Leta , FDLR na FDLR kurenga ku masezerano y’agahenge
Imirwano yongeye kubura mu gace ka Masisi aho umutwe wa M23 ushinja ingabo za Leta FARDC kurenga ku mabwiriza y’agahenge ugatera ibirindiro by’uyu mutwe biri ahitwa Muhongozi.
Ibi kandi byashimangiwe n’ubutumwa bwabyutse bukwirakwiza ku mbuga nkoranyambanga n’umuvugizi wa Mai Mai NDC/Ndume ukuriwe na Gen.Shimilayi Guidon,bwavugaga ko guhera mu gitondo cyo kuri uyu wa kabiri,k’ubufatanye na FARDC n’abitwa Wazalendo bahanganye n’umutwe wa M23.
Umuvugizi w’umutwe witwaje wa M23 ku rwego rwa politiki, Lawrence
Kanyuka, amaze gutangaza ko abarwanyi babo bafashe agace ka Mwesso muri teritwari ya Masisi saa saba n’iminota 45,mu kiganiro yagiranye n’itangazamakuru.
Bwana Kanyuka yagize ati: “Ingabo za Leta ya Kinshasa mu kwica ihagarikwa ry’imirwano, zagabye ibitero ku birindiro byacu muri Muhongozi kuva mu gitondo. M23 yirwanyeho kinyamwuga kandi yabohoje Mweso.”
Ibi bibaye mu gihe umutwe wa M23 wari wararekuye Mweso, nyuma yo gusaba guhagarika imirwano no gusubira inyuma,ugatangaza ko ako gace kagiye kugenzurwa n’ingabo za EAC ariko bidateye kabiri,uyu mujyi wahise winjirwamo n’abarwanyi b’aba Mai Mai barikumwe na FDLR.
Mwizerwa Ally
