Kuva ku itariki ya 11 Mutarama 2021 , igihugu cy’u Burundi kizafunga imipaka yose abantu bashobora gucamo n’inzira z’amazi uretse abinjiza ibicuruzwa n’abagenzi baza bakoresheje ingendo z’indenge.
Ibi byatangajwe ubwo habonekaga abarwayi umunani(8) barimo Abapadiri batandatu barimo na Padiri mukuru(6) bo kuri Paruwasi ya Mabanda n’Ababikira 2 barimwo umwe uheruka mu gihugu cya Chad , aba babikira bakorera ku ivuriro rya Mabanda , Komini ya Makamba, intara ya Makamba, amakuru akavuga ko bameze neza kuko ngo n’ubundi ngo bari bijyanye kwipimisha kubushake nyuma yo kugira ibicurane bisanzwe.
Ngozirazana Françoise , Umuyobozi w’intara ya Makamba, yahise asohora itangazo riburira abaturage kutarenga ku mabwiriza yo kwirinda Coronavirus ko Abarundi batazubahiriza amabwiriza bazahanwa.
Leta y’UBurundi yahise ifata ingamba zirimo gufunga imipaka yose abantu bacamo kuva kuva tariki ya 11 Mutarama
Ndikumana Thadeé, Umuyobozi wungirije mu kigo gishinzwe kurwanya Covid-19 , akaba na Minisitiri w’ubuzima, yatangaje ko kuva Tariki ya 11 Mutarama 2021 , imipaka yose y’igihugu izafungwa n’ahantu hose abantu banyura binjira mu gihugu n’inzira zo mu mazi usibye abinjiza ibicuruzwa.
Ndikumana akomeza avuga ko abazaza mu ndege bazajyabapimwa kabiri , bwa mbere bazajya bapimwa bakihagera bongera gupimwa ku munsi wa gatandatu ( 6) bashirwe mukato k’iminsi 7 , Nyuma abagaragaje ko banduye Covid-19 bajyanwe ahabonyine hateganijwe kuvurirwa abarwaye Covid-19 baherekejwe na Police.
Akomeza avuga ko Hoteli zateganijwe kwakira abari mu kato nta muntu wundi zemerewe kwakira usibye abakurikira n’inzego z’ubuzima.
Kuva icyorezo cya Coronavirus cyagera i Burundi hamaze kwandura abagera kuri Magana inani na mirongo inani na batanu (885) , mu gihe abagera kuri babiri(2) bishwe n’iki cyorezo.
Nkundiye Eric Bertrand
