Abarundi bahungiye mu nkambi ya Nyarugusu muri Tanzaniya baraye babwiwe ko basigaranye amezi cumi gusa ngo babe bavuye kubutaka bwa Tanzaniya
Ni nyuma y’aho usanzwe agenzura impunzi mu karere ka Kigoma John Walioba asuye izo mpunzi maze akababwira ko uyu ari umwanzuro wafashwe babyumvikanyeho na Leta y’u Burundi mu mwaka ushize wa 2023 ko impunzi zose zigomba gusubizwa I Burundi.
John walioba yagize ati:«Mwebwe mufite iwanyu. Igihe cyo gusubira iwanyu cyageze. Amezi cumi gusa niyo musigaranye kuko amezi abiri amaze kurangira. Ndabasabye nitonze, harageze ko musubira imuhira kugira ngo urwo rubyiruko rubashe kubona uburezi buboneye. Nicyo gituma mbabwiye ko igihe cyageze bityo nkaba nizeye ko mugiye kwiyandikisha ku bwinshi kugira musubizwe mu gihugu canyu mu cyubahiro cyanyu.
Nimutegereza ko icyo gihe kirangira ibyoshobora ibizakurikiraho ntimubimbaze.Tanzaniya irabakunda ishaka gukorana n’u Burundi ariko ntishaka impunzi z’abarundi ku butaka bwayo. Ntihagire ubabeshya iki ni icyemezo cyafatiwe hamwe na Leta y’u Burundi, Tanzaniya na HCR».
Nta gihe cyari gishize Leta ya Tanzaniya yibukije impunzi z’abarundi ziri mu nkambi ya Nduta ko nazo zihawe igihe kitarenze ukwezi k’ Ukwakira kugirango bose bagombe kuba basubijwe mu Burundi.
Leta ya Tanzaniya yagiye ishinja impunzi z’abarundi bahungiye muri Tanzaniya kuba aribo bateza umutekano muke muma kambi barimo .
Ubusanzwe amategeko mpuzamahanga agenga impunzi kw’isi avuga ko nta mpunzi yemerewe gucyurwa ku gahato atariyo yonyine ibyisabiye. Byumbikane ko Leta ya Tanzaniya iramutse ikoze iryo kosa yaba irenze ku mategeko mpuzamahanga agenga impunzi kw’isi
