Muri iki cyumweru nibwo Perezida wa Liberia George Weah yasohoye indirimbo yise Mr Liar(Nyakubahwa Ubeshya) yuzuye amagambo akomeye y’uburakari nk’amwe yumvikana mu ndirimbo za Rap zo mu burengerazuba bw’Isi.
Mr Liar Man ni indirimbo ya Kane ya George Weah wahoze ari umukinnyi ukomeye w’umupira w’amaguru. Indirimbo Mr. LiAR Mam iri mu njyanaya Reggae.
Muri iyi ndirimbo George Weah yagize ati”Mu gihugu cyanjye, barimo kugerageza kumpiga mu buryo ntazi…Ariko Mr. Liar Man (Nyakwubahwa Mubeshi), urazi neza ko ntigeze nkora ibyo nshinjwa”.
Abraham Darius Dillon umudepite utavuga rumwe n’ubutegetsi bwa Perezida George Weah aherutse kumushinja ko yirukanishije umunyamakuru wa Radiyo y’Igihugu amushinja kuvuga ibitagenda mu butegetsi bwa Perezida Weah.
Abaturage bose baketse ko muri iyi ndirimbo , Perezida Weah ashobora kuba yabwiraga Depite Darius Dillon basanzwebadacana uwaka .
Ibiro by’umukuru w’igihugu hamwe n’inshuti ze bahakanye ayo makuru , abavuga ko umuhanzi aririmba ibimujemo, cyane ko yari asanzwe akora izindi ndirimbo mbere y’iyi yise Mr Liar Man.
Perezida Weah yahoze ari rutahizamu mu makipe akomeye nka AC Milan, Chelsea na Paris Saint Germain.
