Ubuyobozi bw’ihuriro Alliance du Fleuve Congo bwasuye abaturage bo mu bice bya Lubero biherutse kwigarurirwa na M23, buhumuriza abaturage .
Umunyamakuru wacu uri Kanyabayonga avuga ko Coneille Nanga na Gen.Makenga Sultan,Bertrand Bisimwa n’izindi ntumwa za AFC bakoze inama ikomeye mu gace ka Kilumba iyo nama ikaba yitabiriwe n’abaturage benshi baje gusanganira abo bayobozi.
Ku rwego rwa M23 hari Komanda mukuru wayo Gen.Makenga n’abandi bayobozi b’ingabo naho ku rwego rwa Politiki hari Umuyobozi w’uyu mutwe Bwana Colneille Nanga,ndetse n’abakuriye inzego z’ubutasi n’ubukangurambaga bw’uyu mutwe wa AFC.
Umunyamakuru wa Rwandatribune wageze iKayina avuga ko abaturage barenga ibihumbi 5 aribo bitabiriye iyi miitingi ahi bagaragaje ko bishimiye ingabo za M23 ndetse n’Ubuyobozi bukuru bwa AFC.
Nyuma y’iyi nama urubyiruko rw’abandande rwasabye kwinjira mu gisilikare cya AFC/M23 ruremererwa aho amasoko yacu yemeje ko byibuze abasore barenga 1000 bahise burira amakamyo bajyanywa mu myitozo ya gisilikare,ibi bikorwa bya AFC mu gihe byabaga iKinshasa hari hateraniye inama ikomeye ya gisilikare igamije kureba uko bahagarika umutwe wa M23 ndetse ukamburwa ibirindiro byawo.
Mwizerwa Ally
